Rabu, 06 April 2011

SERN Dialogu Ho Partidu Politikus Kona Ba Kadores GSR

Posting Husi : Josefa Parada

DILI-Governu liu husi Sekretariu Estadu Rekursus Naturais, (SERN), halo dialogu ho partidu politikus iha Sede do Comite Central da Fretilin, (SCCF), Comoro, Dili, Tersa (5/4), hodi aprezenta dadus kona ba dada kadores mai Timor Leste (TL).
“Ida ne’e halo breafing ida semana rua liu ba halo breafing ho Presidente da Republika no agora ami halo ba partidus. Ami mai iha ne’e fo informasaun, saida mak akontese agora, tan ne’e maka sira pronto konsidera opsaun tolu ne’e mos inklui TL nian,”informa SERN, Alfredo Pires.
Tuir Alfredo, SERN komesa halo hodi lansa ona iha Distritu Ermera hodi halo ba partidus ANP no ohin parte Governu halo ba partidus Fretelin nian.
Alfredo haktuir katak, prosesu sei kontinua hela no Governu sei halo esforsu hotu-hotu hetan kadores, tamba ne’e agora sei iha faze analiza opsaun sira nian. Maibe hatene ona Governu nia opsaun klaru ona tenke mai, entaun buka defende maka’as opsaun TL nian.
“Preparasaun naruk no detalhu oituan maibe tempu la to’o hotu, ami  konsege duni fo detalhus iha mos hanoin balun lalais oituan pois mak ita hare,”hatete SERN, Alfredo.
SERN, Alfredo reforsa liu tan katak, husi rejultadu hare katak nudar parte Governu pronto atu halekar informasaun ba entidades hotu liliu entidades institucões partidades ne’ebe importante ba nia demokrasia.  Nune’e importante Governu lao ho informasaun depois ida-idak mak foti nia desijaun konforme ida-idak nia hanoin ho estratejia.
Iha biban ne’e, Eis Primeiru Ministru, Mari Alkatiri hatete, kestaun tasi timor no mina rai ne’e kestaun nasional, tamba ne’e Eis Primeiru Ministru ne’e hateten dala barak ona katak nia kontinua defende pipeline Sunrice mai TL.
Eis PM ne’e hatete, nia laiha dadus teknikus estudus, Governu halo tiha ona, maibe nunka hato’o ba sira. Tamba ne’e atu defende buat ida se laiha dadus susar teb-tebes.
“Hau to’o agora hau defende deit pozisaun prinsipiu pipeline tenke mai, maibe hau sedauk iha dadus para bele desenvolve oituan tan hau nia defeza. Tamba ne’e mak hau hateten dala barak buat ida ne’e,”tenik Eis Primeiru Ministru ne’e.
Nia salenta katak, no agora pronto autoridades kompetentes sira semak ukun rai ne’e Governu. Sira (SERN-red) mai para fo apresentasaun dadus ne’ebe sira iha ona hanesan dadus teknikus, ekonomikus, komersiais buat sira ne’e hotu sei fo apresentasaun.
“Hau kontente simu ona, soque tempu mak la to’o para ita bele halo perguntas ruma no hasai duvidas. Maibe dadus ne’ebe sira apresenta ne’e, hau bele konsidera katak fo na ba hau kbi’it para hau bele defende diak liu tan interese TL nian,”nia komenta.
Eis Primeiru Ministru ne’e akresenta tan katak, nia labele hateten dadus ne’e bele garante ona pipeline, maibe nia so bele hateten dadus sira ne’e fo kbi’it liu atu defende ita nia posisaun.
“Hau lakohi kria fali espektativas foun bo’ot demais I depois sela’e mai fali hau mak sala. Hau dehan ne’e fo ba ita kbi’it bo’ot liu para ita defende ita nia interese. Tamba ne’e hanesan politika nasional estadu nian, ita tenke hamutuk nafatin para atu defende buat ida ne’e,”tenik eis PM ne’e.
Nia labele fahe tan informasaun que sira fo ba nia. Tamba tuir nia hanoin informasaun ne’e ba nia hanesan sei konfedensial. Agora se Governu intende fahe ba publiku Governu mak tenke halo lolos semak ukun nia mak halo.
“Porque buat negosiasaun sira ne’e iha dadus barak ne’ebe ita labele fahe ba ema barak demais. Se ita komesa fahe ba ema barak demais ita prejudika lao ba oin susar tebes,”eis PM ne’e hatutan.
Mateus Noronha nudar komunidade hateten, kadoras GSR tenke dada duni mai TL tanba geografiamente mina GSR tama iha zona teritoriu Timor nian.
“Ita nia riku soin tenke mai ita nia rain hodi fo benefisiu ba ita. La’os ita riku tiha mina rai mas ita sosa fali mina rai husi rai seluk. Ne’e la logis,” Mateus hateten.
Iha parte seluk, estudante Alarico da Costa Belo, apoia pozisaun Governu nian hodi mantein nafatin dada riku soin povu ida ne’e nian mai nia rain. Nune’e, bele lori benefisiu bo’ot ba povu ida ne’e hodi dezenvolve diak liu tan ekonomia povu nian.
“Ita riku mina, maibe la bele hare tan povu ne’e kiak ba mina. Tanba ne’e, kadoras GSR tenke dada mai ita nia rain hanesan riku soin ne’ebe Nai Maromak oferese hela ba povu ida ne’e,”Alarico afirma. vey

Tidak ada komentar:

Posting Komentar