ADS no NZDS Hahú Loke Fali Ona Bolsu Estudu no Nivel Graduasaun Ba Timor Oan

Dili - Australian and New Zealand Development Scholarship (ADS & NZDS)oferese opurtunidade ba Timor oan atu foti kursu aprovadu iha periodu tinan 2011 no 2012 no bolus estudus ne’e disponivel ba nivel grauduasaun no pós-graduasaun inkluindu programa Mestradu no doutoradu.

Ambassador Australia ba Timor Leste Miles Armitage hateten  bolsu estudu husi Australia hanesan komponente ida ne’ebé hetan valor boot tebes husi programa asistensia Australia iha Timor-Leste. “bolsu estudu direitamente apoia dezenvolvimentu nasional hodi harii grpou Timorense ne’ebé iha talentu no edukadu,”dehan Miles iha Salaun Konferensia Hotel Timor,Dili kinta feira ne’e (10/03).

Fatin hanesan prizidente komisaun Funsaun Publika Liborio Perreira hateten ho prazer boot govenru anunsia programa foun, programa ba graduadu ba Timor oan hodi hola parte iha programa governu Timor Leste no dezenvolve rede serbisu ne’eb’e importante ni identifika oportunidade posivel kona ba karreira iha futuro.
“programa esajiu ba graduasaun iha governu reprezenta pasu ida importante ba estabelesimentu funsaun publika ida ne’eb’e forte liu no fiar an hodi nune’e hanemnus konfiansa iha asistensia internasional,”dehan Liborio.

Entretanto Ministeriu eduakasaun João Cancio Freitas hateten programa ne’e spesifiku tebes ba mestrado no doutoradu tamba ne’e Timor Leste iha Tinan Lima no Tinan Sanulu oin mai tenke iha presija duni hodi lori dezenvolvimentu ba oin. “ ita tenke presija duni mestrado no doutoradu ba oin tamba ha tinan lima no tinan sanulu oin mai ita tenke presija sira n’e barak duni hodi lori dezenvolvimentu ne’e ba oin, “dehan ME João Cancio.(TE)