Suara Timor Lorosa'e
DILI- Ministeriu Finansas, liu husi Diresaun Nasional Patrimoniu do Estadu halao treinamentu ba fungsionariu sira, liu-liu sira nebe halao knar hanesan logistic iha ministeriu ida laran, konaba operasaun manutensaun ba patrimoniu no viaturas estadu, nebe loron-loron Ministeriu sira uja.
Treinamentu ne’e atu hasae kapasidade fungsionariu nomos konhesementu logistic sira nian, konaba sistema nebe sei uja atu kontrolu patrimoniu nomos viaturas estadu nian.
Diretur Nasional Patrimoniu Estadu, Janurio de Gama, esplika treinamentu ne’e hare liu ba kontrolu movimentu viatura estadu, oinsa maka uja trip ticket, atu bele hatene liu tan tempu utilizasaun patrimoniu estadu.
“ Kontrola movimentu viatura estadu nian, kareta ida husi fatin ida ba fatin seluk tenki priense trip ticket, ne’e para ita bele hatene ninia utilizasaun, karik fungsionariu balun lori kareta mas nia ba laos atu halo servisu, sira ba hanesan atu halo pasiar ruma, entaun trip ticket ne ita bele kontrola,” dehan Januario ba STL, hafoin halao trenamentu Manutensaun Viaturas Estadu, iha Dili Convention Center eis Merkadu Lama, Kuarta (30/3).
Nia hatutan sistema seluk nebe mos sira fo atu treina logistic sira konaba operasionalidade viatura de estadu. Sistema ne’e atu kalkula kilometrajem kareta ida ba fulan ida ou semana ida nian, bele kalkula kustu kombustivel ou gastus kombustivel. Kareta ida fulan ida bele halao kilometrajem hira I ninia despesas kombustivel lolos hira, bele kalkula hotu.
Nune’e Direitur Administrasaun Finansas Antonio de Araujo Soares hateten, kapasitasaun husi jestaun servisu logistic seidauk diak, tamba ne’e husi parte Patrimoniu Estadu realiza treinamentu ne’e atu kapasita no fo konhesementu diak liu tan konaba kontrolu de jestaun Patrimoniu Estadu.
“ ita praktis liu bele komprende diak liu tan, bele hadia rekursu humanus atu servisu diak, masks neneik maibe bele hadia,” dehan Antonio.
Nune’e partisipante Vicenti preokupa ho Patrimoniu Estadu, ba membru governu balun nebe la iha marka governu ka “G”, hanesan membru Parlamentu no seluk tan. Maibe sira uja kombustivel husi estadu.
“ tamba sa maka membru Parlamentu sira la marka G ba patrimoniu estadu nebe sira uja,” kestiona vicenti.
Hatan ba kestaun ne’e, husi parte Patrimoniu Estadu, Timotia Pompeia Marques, esplika katak, ne’e hanesan desizaun politika. Membru governu sira nebe la marka G maka hanesan, Prezidenti, Primeiru Ministru, Membru Parlamentu, Membru Governu, Prezidenti Tribunal Rekursu nomos Komisariu Institusaun Publiku Autonomu.
“ Ne’e desizaun Politika, tamba sira ne’e konsidera hanesan lideransa nasaun nian,” esplika nia.
Maibe la signifika katak sira livre husi sistema sira ne’e, tamba hanesan Primeiru Ministru, iha ninia kondutor rasik, katak kondutor sira ne’e maka sei priense trip ticket, atu kontrola patrimoniu estadu. Josefa Parada
Diretur Nasional Patrimoniu Estadu, Janurio de Gama, esplika treinamentu ne’e hare liu ba kontrolu movimentu viatura estadu, oinsa maka uja trip ticket, atu bele hatene liu tan tempu utilizasaun patrimoniu estadu.
“ Kontrola movimentu viatura estadu nian, kareta ida husi fatin ida ba fatin seluk tenki priense trip ticket, ne’e para ita bele hatene ninia utilizasaun, karik fungsionariu balun lori kareta mas nia ba laos atu halo servisu, sira ba hanesan atu halo pasiar ruma, entaun trip ticket ne ita bele kontrola,” dehan Januario ba STL, hafoin halao trenamentu Manutensaun Viaturas Estadu, iha Dili Convention Center eis Merkadu Lama, Kuarta (30/3).
Nia hatutan sistema seluk nebe mos sira fo atu treina logistic sira konaba operasionalidade viatura de estadu. Sistema ne’e atu kalkula kilometrajem kareta ida ba fulan ida ou semana ida nian, bele kalkula kustu kombustivel ou gastus kombustivel. Kareta ida fulan ida bele halao kilometrajem hira I ninia despesas kombustivel lolos hira, bele kalkula hotu.
Nune’e Direitur Administrasaun Finansas Antonio de Araujo Soares hateten, kapasitasaun husi jestaun servisu logistic seidauk diak, tamba ne’e husi parte Patrimoniu Estadu realiza treinamentu ne’e atu kapasita no fo konhesementu diak liu tan konaba kontrolu de jestaun Patrimoniu Estadu.
“ ita praktis liu bele komprende diak liu tan, bele hadia rekursu humanus atu servisu diak, masks neneik maibe bele hadia,” dehan Antonio.
Nune’e partisipante Vicenti preokupa ho Patrimoniu Estadu, ba membru governu balun nebe la iha marka governu ka “G”, hanesan membru Parlamentu no seluk tan. Maibe sira uja kombustivel husi estadu.
“ tamba sa maka membru Parlamentu sira la marka G ba patrimoniu estadu nebe sira uja,” kestiona vicenti.
Hatan ba kestaun ne’e, husi parte Patrimoniu Estadu, Timotia Pompeia Marques, esplika katak, ne’e hanesan desizaun politika. Membru governu sira nebe la marka G maka hanesan, Prezidenti, Primeiru Ministru, Membru Parlamentu, Membru Governu, Prezidenti Tribunal Rekursu nomos Komisariu Institusaun Publiku Autonomu.
“ Ne’e desizaun Politika, tamba sira ne’e konsidera hanesan lideransa nasaun nian,” esplika nia.
Maibe la signifika katak sira livre husi sistema sira ne’e, tamba hanesan Primeiru Ministru, iha ninia kondutor rasik, katak kondutor sira ne’e maka sei priense trip ticket, atu kontrola patrimoniu estadu. Josefa Parada
Tidak ada komentar:
Posting Komentar