Governu TL Sei Apoiu Vitima Tsunami Japaun

Dili - Governu Timor Leste liu husi enkontru Konsellu Ministru extraordinariu aprova ona rasolusaun ida atu apoiu vitima Tsunami iha Japaun ne’ebé resulta vitima barak mate iha momentu neba.

Liu husi komunikado ne’ebé media ne’e asesu katak konsellu Ministru hato’o mos solidareidade no fraternidade (princípios fundamentais consignados na Constituição de Timor-Leste)  desidi aprova no sei haruka ekipa atu ba ajuda iha fatin neba no sei Lidera husi Secretariu Estado Formasaun Professional no Emprego, Bendito Freitas.

Iha semana ne’e nia laran Secretariu Estado Formasaun Professional no Emprego  sei aranka ba Japaun durante semana ida ho ekipa husi F-FDTL Bombeiros, Cruz Vermelha, PNTL, Médica, Jovens no Tradutores.

KM konsulta ona ho Ambassador Japaun iha TL Iwao Kitahara hodi fó apoiu ba Japaun neba sofre ba dezastre naturais ne’e.(TE)