MF Hala’o Konsultasaun Nasional

LH : Fó importansia mos ba fundu petroliféro

Dili - Ministériu Finansas Kinta ne’e (17/03) hala’o konsultasaun nasional kona ba prinsipiu ba intervensaun internasional efikás ida iha estadu frájil sira liu liu iha Timor Leste no iha situasaun frájilidade sira atu sai lolos husi kiak no seguransa  iha estadu frájil  liu iha mundo nian.

Tuir Ministra Finansas Emilia Pires katak Ida ne’e hanesan konsulta ba datolu kona ba prinsipiu intervensaun ne’ebé doador sira uza hanesan rai nebe frájil hela para atu haree ajuda ne’e iha efeitu ka lae ? efetivu ka lae.? “prinsipiu ne’ebé doaderes sira uza wainhira sira mai hakarak atu ajuda ita ne’e (TL red) sira iha prinsipiu sanulu ne’ebé hanesan guia sira ninia hahalok iha TL maka hanesan prinsipiu sanulu tuir mai ne’e kaer kontestu nudar pontu de partida, evita estragus, Fokaliza hari’i nudar objetivu sentral, fó prioridade ba prevensaun, rekoñese ligasaun sira entre objetivu politiku, seguransa, no dezenvolvimentu, promove nao diskriminasaun nudar abaze sosiedade sira ne’ebé goza estabilidade no inkluzaun social, aliña turi prioridade local sira iha forma oi-oin no tuir kontextu distinu sira, buka konsensu kona ba mekanizmu prátikus koordenasaun nian entre ator internasional sira, no atua lalais meibe involve an nafatin natón atu garante sustentabilidade inklui mos evita hamoris bolsas exkluzaun nian,”dehan Pires, iha Centru Convensaun Merkado Lama, Dili.

Entretanto iha relatorio prinsipiu Sanulu seidauk aumenta mos kona ba jestaun fundu petroliféro nian tamba ne’e Ong Lao Hamutuk sujere atu aumenta tan prinsipiu ida ne’e tamba Timor Leste nia ekonomia depende liu ba seitor mina rai. “relatoriu ne’e la koalia kona ba fundus mina rai tamba ekonomia nasaun ida ne’e nian depende liu ba iha fundus petroliféro, tamba ne’e tenke fó importansia ba ida ne’e,”dehan peskizador Lao Hamutuk Juvinal Dias. Relasiona ho ne’e Ministra Finansas sei hola konsiderasaun tau ba iha ajenda hodi deskute mos kona ba ida ne’e.(TE)