DILI – Akuzasaun husi Prokuradoria Jeral Republika ba Vise Primeiru Ministru, Jose Luis Guterres no membru governu seluk, konsidera hanesan buat ruma naksalak. Primeiru Ministru, Kay Rala Xanana Gusmão fo sai deklarasaun ne’e iha Aeroportu Nicolau Lobato, wainhira fila hikas husi ninia vizita ba estranjeiru.“Hau hare katak buat ruma ladun lao diak. Ne’eduni hau hein hela bainhira maka hau. Hau dehan tiha ona iha Parlamentu foin dadauk diskuti kona ba kontas estadu, bainhira hau tama ita rame-rame. Hau koalia ne’e tanba hau tinan hitu tiha ona, ne’ebe ita rame-rame vizita malu,” Xanana hateten liu husi konferensia imprensa iha Aeroportu, Komoro-Dili, Sabadu (12/03).
Deklarasaun PM Xanana nian, relasiona ho kazu akuzasaun ba membru governu hanesan Vise PM, Jose Luis Guterres, Ministru Administrasaun Estatal no Ordenamentu Teritoriu (MAOET), Arcangelo Leite, no mos Ministra Justisa, Lucia Lo¬bato. Tamba nia sente buat ruma lao sala ona.
“Hau respeitu teb-tebes instituisaun ida ne’ebe responde ba prezidente. Hau la aseita nudar membru governu, akuzasaun saida, laiha arguidu ne’e saida, arguidu tanba sa? Ita hotu komprende iha konstrusaun estadu ne’e, ita maka tenke buka hare took ida ne’ebe mak laos diak ho ida ne’ebe mak lao ladun diak. Problema mak ne’e, ita nian hotu, laos Ministeriu Publiku, laos Parlamentu nian maibe ita nudar sosiedade,” Xanana dehan.
Nia hanoin, ho akuzasaun hirak ne’ebe halo ba governu ne’ebe nia rasik lidera, hanesan fali governu ida ne’e mak mesak halo pratika korupsaun. “Labele sala, ami husu ba ema sira ne’ebe interpreta konstituisaun iha sistema hanesan laos governu maka atu halo suspensaun,” hatete Xanana.
Iha oportunidade ida ne’e, Vise PM Jose Luis Guterres hatete mos katak nia halo prestasaun iha iha Tribunal Distrital Dili ho nia sentimentu bo’ot no inocente nudar sidadaun ida. Ne’eduni agora dadauk Parlamentu Nasional liu husi Komisaun I, sei halo diskusaun oinsa atu bele suspende nia.
Kona ba asuntu atu suspensaun ba iha Vise PM, Tribunal Distritu Dili haruka ona karta ida ba iha meja Presidente Parlamentu Nasional, Fernando Lasama Araujo, atu konsidera. Karta ne’e baixa ba iha Komisaun I, ne’ebe trata asuntu regulamentu internu, etika, no mandatu deputadu sira nian.
Tuir Lasama, Tribunal Distritu Dili presiza karta suspensaun ne’e klarifika no hakerek ona iha konstituisaun, fo ona seguransa ba iha Parlamentu Nasional atu prosesa levantamentu imunidade ba membru governu sira. Car
Tidak ada komentar:
Posting Komentar