Guilherme de Oliveira MartinsJOSEFA PARADA – SUARA TIMOR LOROSAE – 17 marsu 2011
DILI - Representante povu iha Uma Fukun Parlamentu Nasional (PN), apoiu vizita Presidente Tribunal Administrativu de Kontas husi Portugal PROF. Dr. Guilherme de Oliveira Martins, hanesan pasu positivu ida hodi bele troka opiniaun no esperensia ho membru deputadus PN atu nune’e bele hadia jestaun no hari Tribunal Administrativu de Kontas iha Timor Leste ho jestaun ida nebe diak.
Deputadu Domingos Sarmento husi Bankada FRETILIN hateten vizita Presidente Tribunal de Kontas husi Portugal mai Timor Leste, importante no positivu teb-tebes nebe liu husi vizita ne’e mos iha konferensia sobre Tribunal de Kontas Portugal nian atu fo ba intedades Timor sira.
“ Ne’e pasu positivu para aban bainrua ho vizita ida ne’e ho referesnia sira nebe iha Timor Leste bele hari Tribunal Administrativa da Kontas hodi hare sobre orsamentu OJE, kontas estadu nebe tinan-tinan governu gasta ba iha desenvolvimentu TL,” dehan Domingos ba STL iha Uma Fukun Parlamentu Nasional (PN), Kinta (17/3).
Liafuan hanesan reforsa husi Deputadu Domingos Canossa C. Mesquita Bankada PUN katak Tribunal de Kontas importante tebes wainhira TL hakarak hare konaba OJE, durante ne’e dehan Domingos kazu ruma konaba OJE sempre ba Tribunal Rekursu, maibe sei iha Tribunal Administrativu de Kontas ne’e bele spesifika hare ba kazu sira hanesan OJE, kazu korupsaun, mall administrasaun .
“ Hau hanoin konserteza ita hakarak husu esperensia sira ne’e, maibe atu hari Tribunal de Kontas prossu rasik no bele hare didiak saida maka tenki bele prepara ita nia rekursu umanus, karik iha lei nebe tenki hametin liu tan relasiona ho servisu Tribunal de Kontas no saida maka Portugal bele ajuda mai TL hanesan treinamentu no sel-seluk tan,” hateten Domingos.
Iha fatin hanesan, Deputadu Rui Menezes husi PD afirma vizita Presidente Tribunal Administrativu de Kontas husi Portugal ne’e positivu teb-tebes, tanba Timor Leste rasik kria sistema atu hanesan Portugal ninian nebe estabelese iha konstituisaun.
“ Realidade iha TL kuaze atu halao funsaun ba Tribunal de Kontas ne’e Tribunal Rekursu maka halao ho rekursu nebe limitadu,” hateten Menezes. Jaime do Rosario
.
Tidak ada komentar:
Posting Komentar