TUUR HO XANANA, LASAMA TAKA DALAN BA KRISI 2006

Fernando Lasama Araujo

MIRO NASCIMENTO – SUARA TIMOR LOROSAE – 22 marsu 2011

DILI – Prezidente Partidu De mokratiku aktual Prezidente Parlamentu Nasional, Fernando La Sama Araujo promete katak nia parte sei la fo dalan no sei la aseita atu akontese tan krizi hanesan tinan 2006.
“Hau sei la aseita no sei la fo dalan ba buat aat ne’e mosu fali, hanesan iha tinan 2006 kotuk liu ba nee,” Lasama hatoo liafuan nee nee liu husi nia deskursu wainhira halo konsolidasaun no tomada de posse ba estrutura nivel aldeia PD nian, iha Bairo Beducu, Sabado (19/03).

Nia deklara liafuan hirak ne’e razaun katak situasaun agora dadauk ne’e, povu hakarak dezenvolvimentu nasaun tenke lao ba oin ho diak. Tamba ne’e, nia fiar katak wainhira sei tuur hamutuk ho Primeiru Ministru Xanana Gusmão, nia sei la fo dalan atu nune’e situasaun ne’e akotense fali hanesan iha tempu pasadu nian.“Wainhira hau sei tuur hamutuk ho maun boot Xanana, ami sei la fo dalan atu nune’e buat aat nee bele akontese fila fali,” nia promete.

Iha fatin nee mos, Lasama reafirma, bainhira sei assumi Kargu Presidente Parlamentu Nasional, maka nia sei la fo dalan atu krize ne’e mosu fila fali.

“Kuandu hau sei asumi kargu Presidente Parlamentu Nasional nian, maka hau sei la fo dalan atu nune’e bele akontese fila fali,” nia afirma.

Krize nebee mosu iha 2006, tinan hirak liu ba, halo ema barak terus, halo ema barak lakon sira nia vida, halo ema barak lakon sira nia sasan uma laran. Balun lakon nia oan, balun lakon nia aman inan, maun alin, no buat seluk tan, ne’ebe haloa ema barak sente triste no sente lakon buat barak relasiona ho situasaun iha momentu ne’eba. Pri