Emilia Pires:TL Presija Duni Iha Banku Central

Dili - Ministra Finansas Emilia Pires hateten hahú husi independensia to’o oras ne’e Timor Leste seidauk iha banku central tamba ne’e iha kuarta ne’e (02/03) ministra finansas ho director Banku Pagamentu Autoridade (BPA) Abrão Vasconcelhos hamutuk hp komisaun C ne’ebé trata asuntu ekonomia, finansas no anti korupsaun hala’o debate kona ba lei kriasaun banku central iha TL ne’ebé hala’o iha parlamentu nasional.

Tuir Ministra Fianansas katak Lei banku Central ne’e lei ida ne’ebé relavansia ho MF tamba ne’e maka ami ohin iha ne’e hodi deskute lei banku central,lei ne’e iha 80 resin artigus no ohin koalia to artigu 12.
MF Emilia hatutan “Razaun atu hari banku Central ne’e tamba agora dadauk ita seidauk iha banku central tamba nasaun hotu hotu ne’ebé independente tenke iha banku central, mas ita hahú independente to’o agora ita hahu ho BPA ka Banku pagamentu Autoridade maibe ita tenke transforma nia ba banku ida hanesan banku inan ba banku sira hotu nebe sira mak tau matan ba banku sira hotu”.
Nia afirma Pasu ne’e importante teb-tebes tamba banku cental maka tenke tau matan ba politika monitaria tamba agora dadauk TL laiha politika monitaria,”tamba ita kaer dolar amerikanu,maibe iha futuru ita hakarak hare fali osan timor nian maibe prosesu ne’e sei naruk laos fasil,maibe sasan sira ne’e banku tenke tau matan,nia hanesan knar principal maka tenke tau matan ba estabilidade folin iha merkado”.
Fatin hanesan presidente comisaun C ne’ebé trata asuntu ekonomia, finansas no anti korupsaun Manuel Tilman hateten Banku central ne’e hanesan tezoreiru ida ne’ebé iha MF nian, mas ida ne’e banku estadu nian, kaer osan estadu nian maka banku central.
Tuir Tilman katak Iha kontituisaun RDTL artigu  143 dehan katak estadu iha obrigasaun atu harí banku ida ne’ebé tenke deside kona ba politika finanseira ho osan metaria hamutuk.
Tamba kriasaun Banku central atu hala’o ninia knar define politika osan nian ho finansas nian maibe tenke rona mos governu ka iha governu nia okos,dehan Nia.