Importante tebes atu uza didi’ak osan públiku sira, bainhira povu sira sei moris ki’ak – PM

19 de Março de 2011 - Sapo.tl

Primeiru ministru Timór nian, Xanana Gusmão, dehan katak importante tebes atu uza didi’ak osan públiku, liliu bainhira populasaun sei moris ki’ak.
Xanana Gusmão kahur iha konferénsia internasionál kona-ba “objetivu husi Kontrolu Externu ba Osan estadu nian no Modelu husi Instituisaun Boot ba Kontrolu nian.

“Oinsá atu kombate ba gastu sira ne’ebé latuir fatin no ne’ebé prátika liu hodi ezije intervensaun no esforsu ne’ebé kontinu, laoos de’it husi Governu hanesan mós Órgaun selseluk soberania Estadu nian, husi administrasaun públika no sosiedade sivíl”, hateten primeiru-ministru.

Hateten katak Governu halo hela to’o agora, hori kedas pose, “dalan naruk ba reforma estadu nian”, Xanana Gusmão konsidera konferénsia ne’e “hanesan pasu ida ke importante iha promosaun ba governasaun di’ak, responsabilizasaun, transparénsia, rigór no efikásia iha jestaun finansa públika nian”.

Xanana Gusmão deklara katak “kuda rigór no tranparénsia iha jestaun osan públiku nian ne’e laoos buat ida ne’ebé fasil”.

“Ita hatene katak maske nasaun dezenvolvidu sira ne’ebé koa’lia bebeik kona-ba kestaun sira ba laiha transparénsia, gasta arbiru no laefikásia iha gastu ba setór públiku sira, no ita konsiente katak, iha Timór povu barak liu maka moris ki’ak hela, oinsá atu uza didi’ak no rigór ba osan públiku sira”, hatodan.

Lusa