DILI – Governu liu husi Ministeriu Ekonomia no Dezenvolvementu (MED) determina ona kapital minimu miliaun U$ 1,5 ba ema estranjeiru ne’ebe hakarak halo investimentu iha Timor-Leste. Determinasaun ida ne’e hetan apoiu husi Camara Comersiu no Industria Timor-Leste (CCI-TL).
Prezidente CCI-TL, Oscar Lima hanoin, importante tebes governu halo politika standarizasaun ne’e, hodi bele fo oportunidade ba dezenvolvementu emprezariu nasional. Tamba empreza nasional sira mos iha ona kapasidade atu hala’o investimentu iha rai laran.
“Hau partikular konkorda ho politika ida ne’e para bele fo vantajen ba ami nia emprezarius nasionais ne’ebe iha osan, sira investe iha ne’e, la hadau malu ho ema ne’ebe mai laiha osan,” katak Oscar Lima ba jornalista iha nia knaar fatin, Kinta (10/3).
Tuir Oscar katak, alterasaun kapital minimu ba investidores estranjeiru ho montante milaun U$ 1,5, ne’e politika diak ida. Maibe labele haluha buat ida katak sira tenki stor duni osan hirak ne’e ba banku nasional. Tamba balun mai temi um milaun dolares, maibe realidade um milaun la mai.
“Hau nia hanoin ita tenki hare didiak, se bele tenki tau duni osan minimu U$ 1,5 iha banku Timor-Leste. Ida ne’e ita tenke hare,” hatete Oscar.
Oscar mos husu ba parte MED nian atu cek ema nia osan ne’e iha duni ka la’e, para hodi identifika loloos ema ne’ebe soin halo investimentu. Se lae, balun mai aproveita deit rai no fasilidade hodi lori sura tahan ba fa’an tun sa’e, hodi buka fila fali investidor seluk.
Nia esplika, iha realidade, ema ida mai la hanesan investidor, maibe hanesan perantara hodi buka fali ema seluk. “Porque balun laiha osan, ne’e hau konhese. Sira mai para bosok deit, hodi ba fa’an fila fali. Kuandu fa’an mak la hetan ona, prontu mate deit ona no la realiza investimentu ne’ebe sira rasik promete,” Oscar esplika.
Oscar haktuir, nia sempre asisti asinatura bar-barak iha fatin ne’ebe deit, maibe ikus mai nia la haree implementasaun ne’ebe loloos.
“Por isso, hau hanesan ema ida protesta kuandu nia mai temi dehan investidor tenke investidor duni, kaki lima tenke klaru. Maibe kaki lima ami la presiza, tamba iha Timor barak ona,” dehan Oscar.
Nia husu ba governu liu husi MED atu hari tim ida hodi kontrola investidores estranjeiru ne’ebe la seriu, liu-liu sira ne’ebe mai uza vistu pasiar hodi halo aktividade negosiu ka loke empreza kiik oan sira.
“Agora se nia laiha miliaun U$1,5, nia mai temi investidor husi saida nian. Hau konkorda ho miliaun U$ 1,5, tamba ita koalia jujur laos halo-an hanesan emprezariu, maibe kapasidade dehan U$ 1,5, Timor oan barak tebes iha ona,” Oscar dehan.
Oscar reafirma, se deit mak mai, tenke iha osan mak mai investe iha Timor, laiha osan labele investe. Situasaun Timor nian ne’e laos 2002 no 2003. Timor agora iha pasu ida adiantadu ona. Emprezarius nasionais iha kapasidade ona para bele implementa projetu bo’ot ne’ebe governu fo fiar ba sira.
Iha parte seluk Inocencia Soares hanesan emprezariu kiik hatete, nia parte sente diak tebes, tamba husi investimentu ne’e, bele hamoris ona ekonomia iha Timor. Maske hanesan nasaun ne’ebe kiik maibe prinsi-palmente bele ona avansu ba oin.
Entretantu Joaquim do Carmo hanesan negosiante roda tolu hanoin katak, mesmu hanesan nasaun foin ukun-an, importante tenke iha lei investimentu, nune’e bele garante ekonomia iha rai laran.
Nune’e mos Eduardo Ribeiro hanesan juven hatutan, oras ne’e kresimentu ekonomiku iha rai laran maka’as teb-tebes hodi halo investimentu. “Hau sente lei ne’e bainhira aprova espera katak tinan oin mai, ekonomia bele sai diak liu tan iha nasaun ida ne’e,” nia espera. Vey
“Hau partikular konkorda ho politika ida ne’e para bele fo vantajen ba ami nia emprezarius nasionais ne’ebe iha osan, sira investe iha ne’e, la hadau malu ho ema ne’ebe mai laiha osan,” katak Oscar Lima ba jornalista iha nia knaar fatin, Kinta (10/3).
Tuir Oscar katak, alterasaun kapital minimu ba investidores estranjeiru ho montante milaun U$ 1,5, ne’e politika diak ida. Maibe labele haluha buat ida katak sira tenki stor duni osan hirak ne’e ba banku nasional. Tamba balun mai temi um milaun dolares, maibe realidade um milaun la mai.
“Hau nia hanoin ita tenki hare didiak, se bele tenki tau duni osan minimu U$ 1,5 iha banku Timor-Leste. Ida ne’e ita tenke hare,” hatete Oscar.
Oscar mos husu ba parte MED nian atu cek ema nia osan ne’e iha duni ka la’e, para hodi identifika loloos ema ne’ebe soin halo investimentu. Se lae, balun mai aproveita deit rai no fasilidade hodi lori sura tahan ba fa’an tun sa’e, hodi buka fila fali investidor seluk.
Nia esplika, iha realidade, ema ida mai la hanesan investidor, maibe hanesan perantara hodi buka fali ema seluk. “Porque balun laiha osan, ne’e hau konhese. Sira mai para bosok deit, hodi ba fa’an fila fali. Kuandu fa’an mak la hetan ona, prontu mate deit ona no la realiza investimentu ne’ebe sira rasik promete,” Oscar esplika.
Oscar haktuir, nia sempre asisti asinatura bar-barak iha fatin ne’ebe deit, maibe ikus mai nia la haree implementasaun ne’ebe loloos.
“Por isso, hau hanesan ema ida protesta kuandu nia mai temi dehan investidor tenke investidor duni, kaki lima tenke klaru. Maibe kaki lima ami la presiza, tamba iha Timor barak ona,” dehan Oscar.
Nia husu ba governu liu husi MED atu hari tim ida hodi kontrola investidores estranjeiru ne’ebe la seriu, liu-liu sira ne’ebe mai uza vistu pasiar hodi halo aktividade negosiu ka loke empreza kiik oan sira.
“Agora se nia laiha miliaun U$1,5, nia mai temi investidor husi saida nian. Hau konkorda ho miliaun U$ 1,5, tamba ita koalia jujur laos halo-an hanesan emprezariu, maibe kapasidade dehan U$ 1,5, Timor oan barak tebes iha ona,” Oscar dehan.
Oscar reafirma, se deit mak mai, tenke iha osan mak mai investe iha Timor, laiha osan labele investe. Situasaun Timor nian ne’e laos 2002 no 2003. Timor agora iha pasu ida adiantadu ona. Emprezarius nasionais iha kapasidade ona para bele implementa projetu bo’ot ne’ebe governu fo fiar ba sira.
Iha parte seluk Inocencia Soares hanesan emprezariu kiik hatete, nia parte sente diak tebes, tamba husi investimentu ne’e, bele hamoris ona ekonomia iha Timor. Maske hanesan nasaun ne’ebe kiik maibe prinsi-palmente bele ona avansu ba oin.
Entretantu Joaquim do Carmo hanesan negosiante roda tolu hanoin katak, mesmu hanesan nasaun foin ukun-an, importante tenke iha lei investimentu, nune’e bele garante ekonomia iha rai laran.
Nune’e mos Eduardo Ribeiro hanesan juven hatutan, oras ne’e kresimentu ekonomiku iha rai laran maka’as teb-tebes hodi halo investimentu. “Hau sente lei ne’e bainhira aprova espera katak tinan oin mai, ekonomia bele sai diak liu tan iha nasaun ida ne’e,” nia espera. Vey
Tidak ada komentar:
Posting Komentar